Shayari Season II

Tanha dil se poocha maine,
Kyun rehta tu bechain har ghadi,
Kyun lagta har mausam wahi,
Kuch hai adhoora sa is jeevan main,
Kuch hai basa har dhadkan main !!

Dil ne kaha kyun hai pareshan tu,
Dil lagaya tha jab tune kyun na socha tha tu...
Uski muskurahat, khilkhilahat aur har aadat yaad aati hai tujhe...
Phone pe ki har baat rulati hai tujhe....
Phir bhi mujhe poochta hai tu !!

Main bola, kaash tune tabhi kaha hota mujhe,
Dil lagane se rok liya hota mujhe,
Na dekhne ko milte ye din,
Na tanha hota aaj mera ye dil...
Na toota hota aaj mera ye dil...

Tabhi kuch aawaj aayi jor se,
Laga toot gaya ye dil kaanch jaise...
Ho gaye honge kayi tukde is dil ke...
Dar se aankhein khul gayi meri......
Khushi se aankhein bhar gayi meri....

Ehsaas woh kuch aisa tha...
Na bayan ho sake waisa tha...
Pyar ko na dard dena kabhi...
Jo hai tere pas usse na khona kabhi...
Jo kho diya phir ......  !!
Kyunki har anchaha ehsaas ek sapna nahi ho sakta !!